Тешко повреден 60-годишен маж од Куманово во сообраќајна несреќа што се случила вчера на крстосницата од улицата Доне Божинов и булеварот Октомвриска револуција во Куманово.
Несреќата се случила помеѓу „мерцедес“, со скопски регистарски ознаки, управуван од Н. Ш. (60) од с. Опае, Липковско, и мопед „јамаха џог“, со кумановски регистарски ознаки, управуван од З. Г. (60) од Куманово.
Во несреќата З. Г. добил тешки телесни повреди констатирани на Ургентниот центар во Куманово. Извршен бил увид од екипа на СВР Куманово.
