Вчера по преземени мерки и активности од страна на полициски службеници од ОВР Виница, од слобода се лишени Џ.У.(26) од Радовиш, А.И.(18), Е.М.(21) и С.И.(26), тројцата од Виница, поради постоење основи на сомнение дека на подрачјето на Виница извршиле 8 кривични дела „тешка кражба“ од куќи, викенд-куќи, маркет, пункт за отпад, 1 кривично дело „одземање на моторно возило“ и 1 кривично дело „кражба“ .
Поголем дел од украдените предмети се пронајдени, одземени и вратени на оштетените граѓани.
По комплетирање на случаите против сторителите на кривичните дела ќе бидат поднесени соодветни кривични пријави.
