Скопското Обвинителство донесе наредба за спроведување истражна постапка ротив 42-годишен скопјанец поради неовластено производство и пуштање во промет наркотични дроги.
Од Обвинителството информираат дека осомничениот во текот на февруари набавил одредено количество марихуана и амфетамин од непознато лице.
„Осомничениот ги препакувал во помали пакувања и ги подготвил за продажба. При преглед на неговиот автомобил на 28 февруари, полициски службеници откриле вкупно 16,21 грам марихуана и 8,73 грама амфетамин спакувани во повеќе полиетиленски пакувања“, велат од Обвинителството.
Доставен е предлог за определување мерка притвор на осомниченото лице.
