Претставниците на партијата ДОМ од општина Ѓорче Петров преку петиција ќе поднесат барање до Град Скопје и до Општината за поставување сончеви панели на училиштата во Ѓорче Петров.
„Во период кога сме во сериозна енергетска криза со високи покачувања на сметките за струја, сметаме дека одличен почеток е поставувањето панели и искористување на обновливите извори на енергија.
Енергетската независност на училиштата и тоа како ќе влијае врз намалување на финансиските импликации на буџетот на Општината и заштитата на животната средина“, велат од претставништвото на партијата.
Од ДОМ Ѓорче Петров ги повикуваат граѓаните да ја потпишат оваа петиција со цел јавно да се побара заедничко решение на овој, како што велат, повеќегодишен проблем.
НАЈЧИТАНО НА ИНТЕРНЕТ...
