Centar.mk – Вести, бизнис, забава, спорт…
БИЗНИС

Владата донесе одлука за намалување на ризиците за раст на цената на струјата

На денешната 130. седница Владата донесе измени и дополнувања на уредбата за критериумите и условите за прогласување кризна состојба во случаи на временски и природни непогоди, хаварии и нарушувања на пазарите на електрична енергија, начинот на снабдување со електрична енергија во кризна состојба, мерките што се преземаат, како и правата и обврските на носителите на лиценци за вршење електроенергетски дејности.

„Со предложените измени во услови на кризна состојба се овозможува ‘ЕВН хоме’ да не набавува електрична енергија од повластените производители на електрична енергија, кои користат обновливи извори на енергија, со што се намалуваат трошоците за набавка на електричната енергија на ‘ЕВН ХОМЕ’ затоа што енергијата, наместо од повластените производители, ќе се обезбеди преку АД ЕСМ – Скопје по пониски цени ,со што се намалуваат факторите што влијаат на висината на цената на струјата за крајните корисници“, соопшти владината прес-служба.

Дополнително, имајќи ги предвид високите цени на отворениот пазар на електрична енергија, како што наведуваат од Владата, количините електрична енергија од повластените производители ќе се распределат кај сите други снабдувачи и трговци.

Со тоа ќе се зголеми делот од електричната енергија од повластените производители во вкупното портфолио на снабдувачите и трговците и тие ќе имаат финансиска корист затоа што просечната цена на електричната енергија од повластените производители во тековниот период е значително пониска од цената на електричната енергија на отворениот пазар.

Можеби ќе ве интересира

Убава вест за пензионерите: Оваа наша банка веќе ги исплати пензиите ПРЕДВРЕМЕ! Важни се луѓето!

ДЕСК

Загрижувачки податоци: Над 11 илјади ДДВ обврзници или не поднеле ДДВ пријави или не го платиле данокот кон државата

ДЕСК

Уште три дена шанса за МИНИМАЛНА ПЛАТА ОД 500 ЕВРА! – Еве зошто од следната недела власта нема да има можност да го корегира минималецот речиси до крајот на годинава

ДЕСК