Синоќа на улицата 11 Октомври во Куманово и во селото Никуштак, општина Липково, полициски службеници ги привеле Ш.Б.(36) од селото Сингелиќ, скопско и Г.Ј.(46) од Скопје.
Околу 22 часот на автопатот Табановце-Куманово, полициски службениици го забележале Ш.Б. како со возило „фиат линеа“, со скопски регистарски ознаки, превезува мигранти. Истовремено, на истата локација бил забележан и Г.Ј., како со возило „рено флуенс“, со скопски регистарски ознаки, превезува мигранти.
Двајцата не застанале на даден знак за запирање, но во 22.10 часот Ш.Б. бил сопрен и во неговото возило биле пронајдени четири лица – мигранти од Индија, додека во 22.20 часот во с.Љубодраг, кумановско, биле пронајдени уште пет лица – мигранти, кои од возилото ги симнал Г.Ј.. Малку подоцна во с.Никуштак, Г.Ј. бил запрен и лишен од слобода.
Возилата биле одземени, а мигрантите биле спроведени во Транзитен центар. По целосно документирање на случајот против лицата ќе бидат поднесени соодветни пријави.
ПОПУЛАРНО НА ИНТЕРНЕТ...
