Девет лица загинаа во пожар во дом за стари лица во селото Ројак, во близина на Провадија во североисточна Бугарија, соопшти Министерството за внатрешни работи на земјата.
Пожарот го преживеале 48 лица, кои се евакуирани. – Во моментов тие се сместени во училишниот двор и се во добра состојба, изјави градоначалникот на Далгопол, Георги Георгиев.
Луѓето ќе бидат превезени со училишни автобуси до општинскиот хотел во село Аспарухово.
На местото веднаш се испратени пет противпожарни возила и спасувачки екипи. Според првичните податоци, пожарот избувнал од покривната конструкција на зградата и го зафатил третиот кат.
ПОПУЛАРНО НА ИНТЕРНЕТ...
