До ДИК се поднесени 13 приговори за гласањето на локалните избори

До денеска, заклучно со 15 часот, до Државната изборна комисија поднесени се вкупно 13 приговори.

Седум од приговорите се од политичката партија ТМРО, кои се однесуваат на постапката за сумирање и утврдување на резултатите во избирачките места 1156, 1178, 1157, 1182, 1183, 1176 и 1181 во општина Старо Нагоричане.

Шест приговори се поднесени од Коалицијата предводена од СДСМ, кои се однесуваат на постапката за гласање, односно постапката за сумирање и утврдување на резултатите на избирачките места 2966/1 и 2958/1 во општина Шуто Оризари, избирачкото место број 1612 во општина Конче и избирачките места 835, 874 и 865 во општина Кочани.