Целокупната кампања на Димитриевски е театар истакна кандидатот на СДСМ за градоначалник на Куманово Оливер Илиевски за актуелниот градоначлник Максим Димитриевски на дебата на Алсат М телевизија.
„Димитриевски беше градоначалник, претседател на совет со прст не мрдна да се изгради една градинка, тоа се 12 години власт во општината и не направи ништо за Куманово, стави само столбчиња на октомвриска, монтажна катна гаража и еден кружен тек, како и тартан подлоги на 13те игралишта кои Владата ги изгради, а тој изгради и едно за себе на својата викендица„ рече Илиевски.
Илиевски истакна дека Програмата Најдоброто за Куманово не е лист хартија како што вели Димитриевски, „туку тоа е моја заложба за Куманово за чист, модерен и европски град. Имаме тим на експерти за реализација на тие проекти. Бараме поддршка од граѓаните, се со цел да ги реализираме сите проекти. Нема да ставаме столбчиња, туку ќе садиме дрвја. Ќе градиме паркови, шеталишта, игралишта, реконструкција на сите училишта. Ако Владата даде 3.4 милиони евра за образование во Куманово, ние во соработка ќе донесеме 6.5 милиони евра инвестиции во образованието за овие 4 години.„
ПОПУЛАРНО НА ИНТЕРНЕТ...
