Фаворитот на опозицијата, Оливер Зафировски од ВМРО-ДПМНЕ, не успеа да влезе во вториот круг од трката за градоначалник на Карпош.
Тој е трет и за нешто помалку од 300 гласа заостана зад поранешниот градоначалник на Карпош, Стевче Јакимовски. ГРОМ на Јакимовски е коалициски партнер на ВМРО-ДПМНЕ, но партијата на Мицкоски реши нејзин претендент да биде Зафировски, а не Јакимовски.
Најголем број гласови доби и се смета како фаворит за овие избори е кандидатот на СДСМ, Душко Весковски.
Ова не е единствена општина каде што ВМРО ДПМНЕ буквално е депласиран и паѓа на трето место. Слично се случи и во Куманово каде ВМРО ДПМНЕ освои катастрофален резултат, а ваков епилог се бележи и во други мали општини.
