Вчера биле приведени две лица од Гостивар, кај кои била најдена дрога.
Според информациите, при претрес во станот на К.С.(51) на улица Гоце Делчев во Гостивар, извршен со судска наредба, во кој бил затекнат и Х.А.(54), биле пронајдени и одземени хероин, неколку пластични шишиња со метадон, дигитална вага и предмети со остатоци од дрога. Тие се задржани во Полициската станица Гостивар и по целосно документирање на случајот ќе им бидат изготвени соодветни поднесоци.
