Министерството за внатрешни работи во текот на вчерашниот ден (05.08.2021) продолжи со засилените акциски контроли во областа на сообраќајот.
На територијата на град Скопје изречени се вкупно 136 мерки, меѓу кои за возење повеќе од дозволената брзина 32 санкции, 12 за возење без возачка дозвола, две за возење под дејство на алкохол.
Изречени се 12 мерки за користење на мобилен телефон, две за нерегистрирани возила, четири за непрописно престигнување..
Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.
