На ГП Табановце и на ГП Богородица има зголемена фреквенција на возила, времето на чекање за влез и излез од државата е од 45 минути.
На другите гранични премини, како што информираат од Авто-мото сојузот на Македонија од македонска страна, нема подолги задржувања.
Oд денеска целосно ќе биде затворен сообраќајот на делницата помеѓу клучките Штип – запад до клучктаа Штип – југ.
Сообраќајот ќе биде пренасочен по веќе постојниот регионален пат, кој минува низ Штип преку Ново Село до клучката Штип – југ.
Интензитетот на сообраќај на патните правци надвор од градските средини е умерен.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
