33 возачи казнети за затемнети стакла и флешери

Во периодот од 28.06.2021 до 04.07.2021 Министерството за внатрешни работи спроведе контрола за санкционирање на возила на кои се вградени неатестирани фолии (затемнети стакла) и користење на уреди за светлосни и звучни знаци, при што санкционирани се 33 возачи, соопшти полицијата.

Од нив, како што дообјаснуваат од МВР, 31 возило имале вградени неатестирани фолии (затемнети стакла), а две возилa поседувале уреди за светлосни и звучни знаци.

Од МВР, известуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи за поголема безбедност во сообраќајот.