Скопје: Со бомба кашикара им влегол во двор за време на полициски час, веднаш е уапсен

Скопјанец за време на полициски час влегол во двор каде што седеле две лица и извадил бомба кашикара, по што полицијата го уапсиле.

-На 14.05.2021 околу 01.30 часот, полициски службеници од СВР Скопје го лишиле од слобода С.Т.(55) од Скопје, затоа што околу 00.00 часот влегол во двор од куќа на ул.„Петар Драпшин“, каде што седеле Г.А.(33) и Б.Д.(30), двајцата од Скопје, и извадил бомба кашикара, која успеале да му ја одземат, информираат од МВР.

С.Т. бил приведен во Полициска станица Кисела Вода и по целосно документирање на случајот, против него ќе биде поднесена соодветна пријава.