Во текот на вчерашниот ден била спроведена зајакната акциска контрола на територијата на Република Северна Македонија за санкционирање прекршоци што ги прават возачите на мотоцикли, при што биле санкционирани 282 возачи, информира Министерството за внатрешни работи.
Од вкупно 282 казнети возачи, 169 не користеле заштитна кацига за време на возењето, 51 лице возеле без возачка дозвола, 17 мотоцикли биле одземени поради истечена сообраќајна дозвола и предизвикување голема бучава, а имало санкции и за други прекршоци, велат од МВР.
Oд таму додаваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи.
