СДСМ упорно ги брани наркобосовите на кои МВР на Оливер Спасовски им издавало нелегални пасоши, велат од ВМРО-ДПМНЕ.
„Денес, откако јавноста дозна дека и светски озлогласената италијанска наркомафија Ндрангета пронашла закрила во МВР на Оливер Спасовски, од СДСМ продолжуваат со обидите да се исперат од криминалот и срамот во светски рамки“, посочуваат од опозициската партија.
Потпретседателот на ВМРО-ДПМНЕ, Владо Мисајловски, денеска на прес-конференција обвини дека фалсификат македонски пасош издаден од МВР добил и Валид Иса Хмаис, преку кој, како што рече, италијанската мафија ги перела парите од трговијата со кокаин.
Како што велат од партијата, не постои друга држава во светот во која поддршка пронашле толку многу наркобосови како во Македонија предводена од Заев, Спасовски и СДСМ.
Според ВМРО-ДПМНЕ, наместо празни изговори, потребни се одговорност и оставки.
