Да поставиш соработник на Милошевиќ и шверцер на нафта за амбасадор во САД, значи прво дека не ја почитуваш сопствената земја, а потоа ниту САД, велат од ВМРО-ДПМНЕ, откако беше објавено дека поранешниот министер за внатрешни и за надворешни работи Љубомир Фрчковски е новиот избор за амбасадор во Вашингтон.
„Фрчкоски е човек кој не се врзува со проекти, туку со скандали. Додека тој беше на министерски функции се случија приватизацијата, промената на знамето, убиства и грабежи. Киро Глигоров лично кажал дека Фрчкоски му нудел скап часовник и други скапи подароци за да го промени името, што било одбиено од истиот. Фрчкоски е човекот кој беше на чело на полицијата кога подоцна се случи атентатот врз претседателот Киро Глигоров и не го расчисти“, се наведува во соопштението на опозициската партија од каде додаваат и дека Фрчкоски е мизогинист, кој, како што велат, не го крие тоа.
