За три години ги подобривме условите за работа на полициските службеници во над 40 објекти во секторите за внатрешни работи низ државата – продолжуваме и во ОВР Гевгелија, ОВР Кавадарци и ОВР Крива Паланка, информираше Министерот за внатрешни работи Оливер Спасовски.
– И во претходниот мандат, но и сега фокусирани сме на решавање на фундаменталните проблеми, како приоритет за натамошното функционирање на полицијата, со цел да обезбедиме одржливи решенија што ќе резултираат со поголема мотивираност и подобри услови за работа на вработените во службата, рече Спасовски.
