И во време на сериозна пандемија, Владата предводена од СДСМ, Министерството за образование преку одговорен и системски пристап обезбедија успешен старт на учебната година и успешен наставен процес, изјави на Прес-конференција, Бисера Костадиновска, пратеничка на СДСМ.
– Секојдневно се докажува дека комбинираниот модел кој го направивме беше повеќе од потребен, а онлајн наставата апсолутно потребна и неизбежна.
Денес онлајн наставата успешно без поголеми потешкотии ја следат околу 88% од учениците, и оваа бројка од почетокот на учебната година, до сега е зголемена за 18%.
Таквиот раст, меѓу другото, се должи и на иницијативите на локалните самоуправи кои за исклучително краток период, преку донации обезбедија ИТ уреди за учениците и наставниците кои ја немаат потребната опрема.
За останатиот дел ученици коишто немаат уреди предвидени се неколку опции за учење на далечина. Секојдневно се емитуваат 15 минутни часови на телевизија преку Националната радио-телевизија на македонски и на албански јазик, но исто така наставниците имаат обврска да доставуваат печатени материјали до децата и на дневно ниво да комуницираат и да го следат нивниот напредок во совладувањето на материјалот.
Важно е да се истакне дека во моментот во околу 600 училишни објекти во државата се одвива настава со физичко присуство, под строго утврдени протоколи и алгоритми.
Учениците и наставниот кадар кои се вклучени со физичко присуство во образовниот процес треба да продолжат доследно да ги почитуваат мерките за лична заштита од Ковид-19 и со тоа да го заштитат сопственото и јавното здравје.
Најважно од се е, образовниот процес да тече непречено во услови на пандемија што не беше ни лесно да се обезбеди.
Пречките секојдневно се надминуваат и очекуваме дека наскоро сите ученици ќе имаат услови за следење на настават непречено и да имаме целосно успешна учебна година и покрај пандемијата.
СДСМ преку Владата и институциите што ги предводи продолжува да работи посветено во интерес на наставниците, учениците и нивните родители, изјави на Прес-конференција, Бисера Костадиновска, пратеничка на СДСМ
