Министерот за правда, Бојан Маричиќ, се сретна со претставници на повеќе граѓански организации кои се дел од Блупринт-групата за реформи во правосудството.
Со Блупринт-групата која ја следи Стратегијата за реформи во правосудниот сектор, министерот Маричиќ дискутираше на повеќе актуелни теми, како подготовките за почетокот на преговорите со Европската Унија, како и најжешките реформи во ресорот правда.
Министерот Бојан Маричиќ истакна дека Министерството за правда има отворени врати за соработка и дека граѓанското општество ќе биде вклучено во повеќе процеси во ресорот правда.
