Утрово е пронајден 42-годишен планинар од планинарското друштво „Љуботен“, кој синоќа залутал на косовска територија.
Тој се движел во група сочинета од 8 планинари на потегот помеѓу тетовските села Јелошник и Вејце, но се оддалечил од групата и залутал поради густата магла.
По пријавувањето на случајот во полицијата, полициски службеници на СВР Тетово и двајца планинари почнале со пребарување на теренот и утрово околу 5.30 часот тој бил пронајден на бачило во месноста Коњушка Река.
Планинарот е без повреди и е во добра здравствена состојба.
