Секогаш во средиштето на збиднувањата...

(Видео) Кандидат за пратеник од ВМРО-ДПМНЕ од Ѓорче Петров фатен од полиција како во 1 часот по полноќ закачувал плакати на бандери?

фото Centar.mk/Arhiva

На социјалните мрежи се појави видео во кое се тврди дека кандидат на ВМРО-ДПМНЕ во Изборната единица 2 поточно од Ѓорче Петров, деновиве е фатен од полицијата како во доцните вечерни часови местел банери од својата партија на неколку локации низ Ѓорче Петров.

На кусата снимка која се појави на Фејсбук се гледаат полицајци и две лица од кои за едно се претпоставува дека е кандидат од редовите на ВМРО-ДПМНЕ.

Ваков случај се појави и во билтенот на Министерството за внатрешни работи на ден 04.07.2020 каде што стои:

На 03.07.2020 околу 00.15 часот во СВР Скопје било пријавено дека на надвозник на ул.„Лука Геров“ бил забележан предизборен плакат на политичка партија, а на трансформатор од ЕВН имало залепени плакати од политичка партија. Подоцна, во 01.07 часот во СВР Скопје било пријавено дека на ул.„4 Јули“, во населба Дексион, од полициски службеници од Полициска станица Ѓорче Петров биле забележани Б.С.(29) и В.Р.(40), двајцата од Скопје, како поставуваат висечки банер на политичка партија, и истите се изјасниле дека немаат одобрение за поставување на банери. Во текот на вечерта 02/03.07.2020 на подрачје на Општина Ѓорче Петров биле поставени околу 5-6 висечки банери на повеќе локации. Се преземаат мерки за расчистување на случајот.

По куса проверка лесно може да се види дека на кандидатската листа на ВМРО-ДПМНЕ во ИЕ2 навситина има кандидат со иницијали Б.С. (29) како што е наведено и во полицискиот билтен.

Инаку според Изборниот законик, плакати од политички партии можат да се посѕтават само на строго утврдени места, местење на висечки банери на главни и сервисни улици, како случајот во Ѓорче Петров е забрането. Останува да го видиме епилогот од овој случај.

Видео:

Фатени на дело!

Кандидатот на ВМРО-ДПМНЕ од Ѓорче Петров, Бојан Стојаноски фатен од полиција како во 1 сабајле се качува по бандери да мести банери. Случајот е заведен и во официјалниот билтен на МВР.Ваков човек – хулиган и плакатолепач има амбиции да ги претставува ѓорчепетровци во Собранието.

Gepostet von Криминалците од Ѓорче am Sonntag, 5. Juli 2020