Опозициската ВМРО ДПМНЕ нема да ги повлече скандалозните изборни спотови со кои се удира по судството, ниту пак ќе им се извини на обвинителката Вилма Русковска и на судијката Добрила Кацарска.
Скандалозен спот во кој се врши директна навреда и клевета врз судијката и обвинителката беа пуштени во етер од страна на ВМРО ДПМНЕ како предизборни спотови, а во кој тие се прикажани како синоним за неправдите.
Шефицата на Основното јавно Обвинителство за гонење на организиран криминал и корупција, Вилма Русковска, вчера (3.7.) до Коалицијата предводена од ВМРО-ДПМНЕ преку полномошник доставила опомена пред тужба за клевета, пишува Дојче Веле за Македонски.
– Повод за ваквиот потег на обвинителката, бил дел од содржината на изборниот спот на опозициската коалиција, насловен како „Криминална приказна“, пишува DW.
