Додека ВМРО-ДПМНЕ продуцира лажни вести, СДСМ ја води државата кон напредок, просперитет, НАТО и ЕУ, реагираат од СДСМ на соопштението на ВМРО-ДПМНЕ.
„Ништо ново од белиот дворец, ВМРО-ДПМНЕ, извршителот Мицкоски и неговиот шеф Груевски се заглавени во матрицата на лажни вести и конструирани случаи .
Како дел од продукцијата на лажни вести од ВМРО-ДПМНЕ се и изнесените лаги за претседателот Заев и за членови на неговото семејство.
Во отсуство на реални политики и мерки ВМРО-ДПМНЕ и извршителот Христијан Мицкоски своето делување го базираат на валкана кампања, затоа што ништо друго и не знаат.
Стравот од одговорност за криминалите во белиот дворец дополнителнио кулминира, по носењето на Законот за јавно обвинителство.
Разликата е очигледна. Додека СДСМ е за правда и одговорност, ВМРО-ДПМНЕ е за амнестија на криминалците, за обнова на режимот и изолацијата.
Додека ВМРО-ДПМНЕ се занимава со продукција на лаги ние ја водиме државата во НАТО и ЕУ, додека Мицкоски брани криминал, ние зголемуваме плати и обезбедуваме правда.
Нема да дозволиме, ВМРО-ДПМНЕ, Мицкоски и неговиот диригент од Будимпешта да ја вратат државата чекор назад во изолација, режим и неказнивост.
Затоа на 12 април граѓаните ќе ги казнат деструктивните ВМРО-ДПМНЕ и ќе порачаат – режим никогаш повеќе!“ – се вели во реакцијата.
