Свесното блокирање на Законот за одбрана од Христијан Мицкоски и неговите пратеници во Собранието значи кршење на Уставот загрозување на остварувањето на децениска стратешка цел – членството на Република Северна Македонија во НАТО, обвини Хари Локвенец, пратеник од СДСМ.
„Со неодговорните и лицемерни постапки ВМРО-ДПМНЕ создава ризик да испровоцира ново вето од Грција. Законот за одбрана е клучен за нашето членство во Алијансата. Неодговорно, несериозно и недозволиво е членството во НАТО да биде загрозено од пратениците, особено сега кога ратификацијата на Протоколот за пристапување е на самиот крај. Овој парламентарен состав има чест и обврска да ги спроведе зацртаните цели што обезбедуваат полноправно членство на државата во НАТО“, рече тој.
Затоа, додаде Локвенец, ги повикувам пратениците од ВМРО-ДПМНЕ да престанат со ситно политикантство и да го поддржат Законот за одбрана кој е важен и за нашето членство во НАТО, но уште поважен за припадниците на нашата армија.
