Неколку лица на возраст од 20 години нападнале новинари ноќеска кога излегувале од угостителски објект.
Според она што е напишано на Слободен печат, медиум каде моментално работи еден од нападнатите новинари, новинарите не биле нападнати бидејќи биле новинари, уште помалку што биле критичари на власта.
„Луѓето биле во кафеана, излегле од кафеаната, некој од оние „фраери“ што во последно време често се среќаваат на скопските улици, возел 200 на саат, ќе ги изгазел за малку, по што еден од новинарите изреагирал, му довикнал, и тоа било доволно за скопскиве насилници да застанат, и сите петмина да излезат од бесното БМВ и да ги нападнат. Значи колегите наши не биле нападнати како новинари, туку како обични граѓани. Дечките сигурно поим немале дека тројцата се новинари, уште помалку дека се некакви критичари на власта. Ги нападнале за да испаднат мангупи, демек кои сте вие нас да ни кажувате што да правиме и да не пцуете“, пишува во текстот со наслов „Вистината за „нападнатите новинари“.
