Советот на Европската унија на денешниот состанок во Луксембург, упати повик земјите членки да ја разгледаат опцијата за прекин на извоз на оружје за Анкара. Во заклучоците од состанокот е оценето дека во тек е турска воена операција со големи последици која претставува сериозно поткопување на стабилноста и безбедноста на целиот регион, при што најавија состанок на работните групи кои ќе ги координираат позициите на земјите членки на Унијата во процесот на прекин на извоз на оружје за Турција.
