СДСМ остро го осудува шовинизмот на портпаролот на ВМРО-ДПМНЕ, Наум Стоилковски, во неговата објава против новата министерка за финансии, Нина Анегеловска, изјави денеска Кристина Пеповска, генерална секретарка на Форумот на жените на партијата.
Како што изјави таа, недозволиво и неодговорно е портпарол на парламентарна партија да се служи со родов шовизнизам и мизогинија и во своите објави на социјалните медиуми да употребува сексистички речник.
„Го прашуваме Христијан Мицкоски дали се согласува и ја одобрува објавата на својот портпарол? Дали ќе побара извинување од Стоилковски за навредите насочени кон жените? Дали неговата објава полна со шовинизам е дел од комуникацијата со жените внатре во партијата? Дали така им се обраќаат на партиски состаноци?“, се некои од прашањата што јавно ги упати Пеповска.
Таа констатира дека во ВМРО-ДПМНЕ и натаму владее старата матрица на навреди, на понижување на жените и на нивните права.
ПОПУЛАРНО НА ИНТЕРНЕТ...
