Во скопската полиција во попладневните часови на 20 август била пријавена тепачка во аква-паркот при Спортскиот центар „Борис Трајковски“.
Како што информираат од МВР, јавниот ред и мир бил нарушен со физичка пресметка меѓу тројца скопјани на возраст од дваесетина години, од една страна, и група од седум лица на возраст од 19 до 25 години, од друга.
Учесниците биле приведени во Полициската станица Карпош и направени се записници за констатиран прекршок од Законот за прекршоците против јавниот ред и мир.
