Две женски лица се здобиле со телесни повреди во тешка сообраќајна несреќа во Скопје.
„Вчера во 13:00 часот било пријавено дека на улицата „Ферид Мурати“ се случила сообраќајна незгода помеѓу патничко моторно возило „Фолксваген Голф“ со куманоски регистарски ознаки, управувано од 44-годишниот И.Б. од село Никуштак-куманоско и патничко моторно возило „Мерцедес КУЈ 518“ со германски национални ознаки, управувано од 31-годишниот В.А. од село Студеничани-скопско. Во незгодата со тешки телесни повреди се здобила сопатничката од возилото „Фолксваген Голф“ М.Б.(44) од село Никуштак-кумановско и била пренесена во Градската општа болница „Свети Наум Охридски“ за укажување на лекарска помош, а со телесни повреди се здобила друга сопатничка од истото возило Н.Б.(18) од село Никуштак-кумановско по што била пренесена во Комплексот клиники „Мајка Тереза“ за укажување на лекарска помош. Увид на местото на настанот извршила увидна екипа од СВР Скопје“, информира МВР.
