Балканскиот фестивал на народни песни и игри во организација на Националната установа Центар за култура ,,Григор Прличев”- Охрид, од 5 до 8 јули 2019 година година ќе го одбележи 58. реномирано издание како најстара фолклорна манифестација на Балканот на која се афирмираат културните достоинства на народите.
Програмските придобивки, квалитетот на презентацијата на фолклорниот материјал и можноста тој да биде отворена сцена за кумуникација на културите на народите придонесе овој фестивал да биде застапен во каталогот на ИОВ и ЦИОФФ на најзначајни фолкорни манифестации во светот.
Покровител на фестивалот е Собранието. Организирањето на фестивалот е овозможено со материјална помош на Министерството за култура на Република Северна Македонија и пријателите на фестивалот. Во рамките на фестивалот се одржуваат и изложби кои секогаш биле блиски на ориентацијата на фестивалот.
Свеченото отворање на фестивалот е на 05.07.2019 година (петок) во терминот од 20:30 часот на сцената во Долни Сарај, со програмата на Ансамблот за народни игри и песни на Македонија ,,ТАНЕЦ”.
