Две години како СДСМ е на власт, состојбата во студентските домови е катастрофална. Нема инвестиции, нема проекти, ништо од ветеното не е остварено. Наместо подобри услови, директорот на Државниот студентски центар – Скопје ветува дека ќе ги разеленува студентските домови, обвини Јован Јаулески, претседател на УМС на ВМРО-ДПМНЕ.
„Господине Николовски на студентите поголем приоритет им е да ги опремите со мебел блоковите В и Г во студентскиот дом ‘Гоце Делчев’ за да можат да се вселат 600 студенти, кои наместо во студентски цела година беа сместени приватно и плаќаа високи кирии. Две години двата реконструирани блока не можат да бидат пуштени во употреба затоа што на Николовски поважно очигледно му е нешто друго. Две години пристапите кон студенткиот дом ‘Гоце Делчев’ се калливи и полни со ѓубре, студентите не знаат дали се наоѓаат во студентски дом или во Дрисла. Состојбата е лоша и во другите студентски домови, во студентскиот дом ‘Кузман Јосифовски-Питу’ топлата вода за туширање се исклучува по 20 часот, што е период во кој студентите се враќаат во домовите и не можат да се истушираат, затоа што на некој му текнало да ја исклучи водата. Додека најавуваат ново модерно мени, оброците се полни и зачинети со лебарки“, рече тој.
Тој ја прашува власта до каде е изградбата на студентскиот град на местото на „Стив Наумов“, кој требаше да има библитеки, читалници, ресторани и фитнес-центри.
