Синоќа на местото викано „Жировничко Анче“, на регионалниот пат Дебар-Маврови Анови, полициски службеници запреле и извршиле преглед на патничко возило со албански регистарски ознаки, управувано од 28-годишен државјанин на Албанија (И.Ш.), во кое двајца сопатници од Албанија.
При преглед во возилото биле пронајдени повеќе пакувања козметички производи и постелнини, јави МВР.
Возачот бил лишен од слобода и во разговор со полициските службеници изјавил дека робата ја набавил во Тирана и ја носел во Шуто Оризари.
Пронајдените предмети биле одземени и заедно со лицето се предадени во Полициската станица Дебар за понатамошна постапка. Се преземаат мерки за расчистување на случајот.
