Министерот за надворешни работи на Република Северна Македонија, Никола Димитров, оствари средба со новоименуваниот резидентен координатор на ОН во Република Северна Македонија, Росана Дудзијак.
Изразувајќи задоволство и благодарност за ангажманот на Канцеларијата на резидентниот координатор на ОН, министерот Димитров како особено важна ја апострофира соработката во областа на продуктивното вработување, намалувањето на невработеноста и сиромаштијата, инклузијата на социјално ранливите групи, родовата еднаквост, јакнењето на институциите, животната средина и климатските промени.
Тема на разговор беа и унапредувањето на целокупната соработка со канцеларијата на резидентниот координатор на ОН во Скопје, како и имплементацијата на постојните проекти во Република Северна Македонија
