Во тешка сообраќајка која што се случи во средата попладне на патот Куманово – Крива Паланка – Граничен премин Деве Баир, почина едно лице.
Несреќата се случила при судир на патничко и товарно возило, кај местото Пашина Воденица, во атар на село Крклја, Крива Паланка.
Камионот марка мерцедес се судрил со опел корса, при што едно лице загина, а две се повредени.
Несреќата се случила околу петнаесет часот во средата, а од МВР најавуваат повеќе информации за утре.
