До 13.00 часот во Охрид гласале 21,95 отсто од лицата со право на глас, односно 11.456 гласачи, соопшти претседателот на Општинската изборна комисија, Климент Камнароски.
Имено, во единствениот избирачки список со право на глас за избор на нов претседател на државата и нов градоначалник на Охрид се запишани 52.273, а во единствениот избирачки список за нов претседател за забележани 52.193 гласачи.
Според Камнаровски, изборниот процес во Охрид се одвива во мирна, фер и демократска атмосфера, а до Комисијата досега не се пристигнати информации за изборни нерегуларности.
Непречено се одвива изборниот процес и во соседната Општина Дебрца, каде според ОИК до 13.00 часот на гласање излегле 995 лица или 23 отсто од граѓаните со право на глас.
