Македонскиот народ и поголем дел од граѓаните на Република Македонија се победници во првиот круг на претседателските избори со слабиот одѕив на изборите, соопшти Единствена Македонија.
Според партијата, и покрај големиот поткуп, ветувања за вработувања и организираното носење по списоци на гласањето од страна на СДСМ и ВМРО-ДПМНЕ, народот покажа дека не се плаши од заканите и притисоците и дека државниот интерес го става над личниот интерес.
„Народот покажа дека сака македонски кандидати за одбрана на националните и државните интереси, а не кандидати на странците за уништување на Македонија и Македонците и затоа во првиот круг имаше слаб одѕив и бојкот на изборите“, се вели во соопштението.
