Исплатата на субвенциите за тутунот е во согласност со програмата, ВМРО-ДПМНЕ да престане да бара алиби за извесниот пораз на изборите, реагира Социјалдемократскиот сојуз на Македонија преку соопштение.
„ВМРО-ДПМНЕ во паника од слабата поддршка од граѓаните во секоја редовна и позитивна мерка бара алиби за извесниот пораз в недела. Исплатата на субвенциите за тутунот е според календарот за исплата на програмата за директни плаќања и е во истиот период како и минатата година, лани на 17, а оваа година на 16 април, а со единствена цел земјоделците субвенциите да ги добиваат тогаш кога им се најпотребни, пред почетокот на производствената сезона.
Бидејќи со години ги малтретира, ги понижуваше и уценуваше земјоделците, денес ВМРО-ДПМНЕ е против навремена и неселективна исплата на субвенциите.
ВМРО-ДПМНЕ да престане да бара алиби за бојкот на претседателските избори и да се подготви за пораз на претстојните локални и претседателски избори“, наведе СДСМ во реакцијата.
