Општина Кисела Вода и ЈП „Комунална хигиена“ утре и задутре ќе собираат кабаст отпад и електронска опрема во урбаните заедници Кисела Вода и Расадник.
Од Општината јавија дека локалната самоуправа во овие урбани заедници ќе спроведе акција за расчистување на сметот од јавните површини, а ќе ги средува парковите и омилените игралишта на најмладите. Во исто време ќе се кастрат гранките на дрвјата и грмушките.
Општината информира дека граѓаните кабастиот отпад треба да го одложуваат до 11 часот покрај своите домови, на тротоарите, но пред сè потребно е да внимаваат истиот да не го попречува движењето на пешаците и возилата. Одлагањето отпад по опредeленото време е забрането.
