Centar.mk
МАКЕДОНИЈА

Пукање на влезот на касарната „Гоце Делчев“ – едно лице рането

Војникот што бил на стража, постапувајќи според пропишаните процедури и постапки, рано изутрината во 2:53 часот спречил обид за насилен влез во кругот на касарната „Гоце Делчев“ во Скопје, информира Министерството за одбрана.

Војникот повеќе пати вербално го предупредил лицето, но откако се оглушило на предупредувањата, стражарот испукал два предупредувачки истрела во воздух.

-Лицето и понатаму се оглушувало на предупредувањата при што со еден од истрелите бил погоден во петицата на десната нога. Согласно процедурите му била пружена прва помош и бил транспортиран во болница. Веднаш се известени надлежните истражни органи, соопшти Министерството за одбрана.

Воена полиција, МВР и јавен обвинител излегле на местото на настанот. Сите релевантни информации и докази за настанот се предадени на надлежните органи кои работат на расчистување на случајот.

Можеби ќе ве интересира

СДСМ СО ТВРДЕЊА ЗА ПРОМЕНИ ВО ПЕНЗИСКИОТ СИСТЕМ – Бара објаснување за одредбата за вториот столб

ДЕСК

Тошковски на промоцијата на „One Stop“ на Ќафасан: Македонија го заокружува системот на заеднички гранични контроли со соседите надвор од Шенген-зоната

ДЕСК

РУСКИОТ ПАТРИЈАРХ КИРИЛ ЈА ПРИМИ ДЕЛЕГАЦИЈАТА НА МПЦ-ОА – Македонската црква ја нарече помесна црква со законска автокефалност

ДЕСК