Секторот за компјутерски криминал и дигитална форензика ќе поднесе кривична пријава против 35-годишен велешанец под сомнение за сторена кривично дело компјутерска измама.
Како што информираат од МВР, денеска полицијата извршила претреси на два објекта во кои престојувал велешанецот, од кои еден на улица 23 Октомври во Скопје и друг на улица Орце Мартинов во Велес.
При претересите пронајдени биле предмети што потекнуваат и се поврзани со кривичното дело и тоа два GSM gateway-уреда, еден уред за поврзување на опремата, еден simbox-уред, 38 СИМ-картички и еден мобилен телефон од кој е вршена активација на картичките.
Секторот за компјутерски криминал и дигитална форензика презема дополнителни активности со цел да се утврди дали пронајдената опрема и СИМ-картички биле користени и за други нелегални активности.
НАЈЧИТАНО НА ИНТЕРНЕТ...
