Шеесетина судии од Северна Македонија, Хрватска, Црна Гора, Полска, Србија и Словенија се собраа во Скопје денеска да дискутираат за предусловите и предизвиците со кои земјите од Западен Балкан се соочуваат на патот кон примена на европските судски стандарди во нивните земји.
Регионалната судска конференција, организирана по повод Денот на правосудството, е годишен настан организиран од Здружението на судии и e поддржан од Мисијата на ОБСЕ во Скопје.
„Судиите во земјата се соочуваат со сериозни предизвици, но мора да истраат и да покажат дека имаат капацитет и одговорност да ја зајакнат судската независност и непристрасност“, рече Џефри Голдстајн, заменик-шефот на мисијата на ОБСЕ во Скопје. „ Во сите учебници за лидерство пишува дека добрите лидери се водат од примери, и многу е важно судиите да водат во праксата за спроведување на меѓународните правосудни стандарди.
