Времето денеска ќе биде сончево и многу топло со мала до умерена облачност и со слаб до умерен ветер претежно од северозападен правец, соопшти УХМР.
Минималната температура ќе биде во интервал од 13 до 21, а максималната ќе достигне од 30 до 38 степени. Вредноста на УВ-индексот ќе биде 9.
Во Скопје, сончево и многу топло со мала локална облачност и со слаб до умерен северен ветер. Минималната температура ќе се спушти до 19, а максималната ќе достигне до 35 степени.
До среда ќе биде сончево и многу топло со дневни температури кои насекаде ќе бидат над 30 степени.
Потоа в четврток и в петок ќе има појава на попладневна локална нестабилност, а поинтензивна нестабилност со врнежи и пороен дожд проследен со грмежи ќе има за време на викендот. Тогаш и дневните температури ќе бидат за неколку степени пониски.
НАЈЧИТАНО НА ИНТЕРНЕТ...
