5.8 C
Скопје
27. февруари 2024
Centar.mk – Вести, бизнис, забава, спорт…
СВЕТ

(Видео) Немири во Индија поради уривање на џамија, четворица мртви

Најмалку четири лица загинаа во немири во северна Индија, откако властите урнаа џамија, тврдејќи дека е незаконски изградена, пишува Би-би-си.

Насилството избувна во градот Халдвани во провинцијата Утараханд, по операцијата за уривање џамии и други нелегални објекти. Властите рекоа дека операцијата била започната за отстранување на нелегалните структури, вклучително и џамија и соседна медреса (верско училиште).

Меѓутоа, локалните муслимани кои се молеле во џамијата сметаат дека таквиот потег е неоправдан и неправеден.

Во судирите што избувнаа вчера вечерта беа повредени стотици демонстранти и полицајци, а потврдена е и смртта на четири лица.

На видео снимките се гледа како демонстрантите палат возила и фрлаат камења, додека полицијата врз нив употребува солзавец.

Окружниот суд објави дека џамијата и медресата се урнати бидејќи биле незаконски изградени на државно земјиште и не биле регистрирани како верски објекти, а ова е трет пат во една година во Индија да има немири и протести поради уривањето на џамии, како и станбени објекти кои беа прогласени за нелегални. Минатата година индиските власти во истата провинција наредија иселување на илјадници луѓе од нелегално изградените објекти, но одлуката беше повлечена по огромните протести.