5.8 C
Скопје
4. март 2024
Centar.mk – Вести, бизнис, забава, спорт…
СВЕТ

Израелскиот претседател доаѓа во Минхен на безбедносна конференција, ќе допатува и Зеленски

Претседателот на Израел, Исак Херцог, следната недела ќе учествува на безбедносна конференција во Минхен, соопшти денеска директорот на таа конференција Кристоф Хојсген.

Тој не кажа дали ќе дојдат и членови на владата на премиерот Бенјамин Нетанјаху, кој сигурно нема да патува во Минхен.

„Нетанјаху веќе дојде на конференцијата, а сега со нетрпение го очекуваме претседателот“, рече Хојсген.

Ескалацијата на конфликтот на Блискиот Исток предизвикан од нападот на Хамас врз Израел на 7 октомври минатата година ќе биде една од главните теми на состанокот што се одржува од 16 до 18 февруари.

На конференцијата во Минхен ќе учествуваат и премиерите на Либан, Катар, Ирак и Кувајт и министрите за надворешни работи на Саудиска Арабија и Оман, како и претставници на јеменската влада.

На состанокот се очекуваат вкупно 50 шефови на држави и влади, меѓу кои и украинскиот претседател Володимир Зеленски.