Најмалку 2.600 луѓе, вклучувајќи пациенти, раселени цивили и медицински персонал, остануваат во опколената индонезиска болница во северниот дел на Појасот Газа.
– 400 повредени и нивните придружници се уште се во болница, покрај 200 медицински персонал и околу 2.000 раселени лица – изјави Ашраф ал Кудра, портпарол на Министерството за здравство со седиште во Газа.
Тој рече дека се уште има 259 повредени, одреден број цивили и медицински персонал во болницата Ал-Шифа. Тој нагласи дека се уште нема датум за нивна евакуација од болницата Ал-Шифа, која е под целосна контрола на Израел.
Ал-Кудра потврди дека сите болници во градот Газа и северните области на Појасот Газа не се во функција поради израелските напади.
Тој додаде дека делегација на Светската здравствена организација (СЗО) во последните денови ја посетила болницата Ал-Шифа за да ја координира евакуацијата на луѓето кои се уште се во болница.
Израел започна немилосрдни воздушни и копнени напади врз Појасот Газа – вклучувајќи болници, сиромашни квартови и места за богослужба – по прекуграничниот напад на палестинската група Хамас на 7 октомври.
Убиени се најмалку 13.300 Палестинци, меѓу кои 5.600 деца и 3.550 жени.
Илјадници згради, вклучувајќи болници, џамии и цркви, исто така се оштетени или уништени во израелските воздушни и копнени напади врз опколената енклава.
Бројот на загинати на израелска страна е околу 1.200.
