Високиот претставник на Европската унија за надворешна политика и безбедност, Жозеп Борел изјави дека сегашната ситуација во Газа треба да се искористи за решение со две држави.
По вчерашната посета на Израел во рамките на неговата блискоисточна турнеја, Борељ во Рамала се сретна со палестинскиот премиер Мохамед Стије.
Потсетувајќи дека тие го осудија нападот на Хамас на 7 октомври и наведувајќи дека Израел треба да го искористи своето право на самоодбрана пропорционално и во рамките на меѓународното право, Борељ го повтори повикот на ЕУ за прекин на конфликтот со цел да се достави хуманитарна помош до Газа.
Политички неуспех на меѓународната заедница
– Војната против Хамас во Газа е резултат на општиот политички неуспех на меѓународната заедница – рече Борељ, нагласувајќи дека Палестинците и Израелците ја платиле цената на неуспехот во палестинско-израелското прашање.
Борељ изјави дека само политичко решение може да стави крај на насилството во регионот и дека тоа е решение со две држави.
– Овие драматични настани во Газа барем го извадија прашањето за Палестина од неизвесност. Никој не го сфати како сериозен проблем – изјави Борељ.
Објаснувајќи ја позицијата на ЕУ со три „да“ и три „не“, Борељ рече дека тие рекле „не“ на насилното отстранување на Палестинците од Газа, окупацијата на Газа од страна на Израел и регионот кој е безбедно засолниште за Хамас и одвојувањето на Газа од општото палестинско прашање.
Борељ изјави дека тие рекле „да“ на палестинската администрација под кабинетот на премиерот, која ја контролира Газа, на силната вклученост на арапските земји во тоа прашање и на вклученоста на ЕУ во политичкиот процес за формирање палестинска држава.
Нагласувајќи дека не треба да се игнорира ситуацијата на Западниот Брег, Борељ рече дека „сите треба да видат дека има сериозно зголемување на тероризмот од страна на доселениците од 7 октомври“.
– Оваа војна ни покажа дека не можеме да го оставиме нерешено палестинското прашање. Мора да го искористиме моменталниот моментум за да инвестираме во мир и да работиме кон решение. Мора да мобилизираме меѓународна поддршка за политичкиот процес кон решение со две држави. Овој процес беше запоставен предолго. Време е да се утврдат конкретните чекори што треба да се преземат за да се спроведе ова. Тоа го повторуваме 30 години, без да го направиме тоа што се бара од договорот во Осло – додаде Борељ.
