Црвени предупредувања се издадени за речиси 3.000 градови низ Бразил, кои доживеаја невиден топлотен бран, јавува Би-Би-Си.
Рекорди беа срушени во повеќе области, вклучувајќи го и градот Рио де Жанеиро каде температурите се почувствуваа и до 52,5 степени.
Повеќе од 100 милиони луѓе се погодени од топлотниот бран, кој се очекува да трае најмалку до петок. Официјалните лица ова го припишуваат на феноменот Ел Нињо и климатските промени.
Во градот Сао Паоло во вторник попладне просечната температура беше 37,3 степени, објави Националниот институт за метеорологија (Инмет).
