Мажот (29) кој беше уапсен под сомнение дека сексуално злоставувал петгодишно момче во Париз, а потоа брутално го претепал, го задавил и го оставил да умре, добил притвор.
Момчето било пронајдено во петокот, завиткано во торба, на улица. Детето било пронајдено околу 19 часот, откако осомничениот влегол во полициска станица да пријави дека го убил детето.
Веднаш уапсен
Полицијата веднаш го уапсила, а додека бил на распит, на телефонот покажал фотографија од момчето и објаснил каде го фрлил телото. Во исто време полицијата повикале случајни минувачи кои рекле дека пронашле дете во вреќа за ѓубре кое едвај дише.
Спасувачките екипи го пронашле детето во многу тешка состојба со бројни модринки и траги од задушување. Иако првите информации беа дека детето е целосно завиткано во вреќа со снег, Le Figaro пишува дека главата на детето била завиткана во кеса.
Човекот кој бил уапсен се претставил како бебиситерка. Наводно, роднина на момчето рекол дека младиот човек долго време го чувал малото.
Мотивите се уште не се познати
Се уште не се познати мотивите зад ова грозоморно злосторство.
Осомничениот и претходно бил обвинет за полов напад врз малолетник. Тој е осомничен дека во јуни минатата година злоставувал дете (15).
Според медиумите, лекарите го ставиле петгодишното момче во индуцирана кома и прогнозата е многу лоша.
